மக்களின் வாழ்வாதாரத்தைவிட வாழ்வு முக்கியம்: புதுவை ஆளுநா்

வாழ்வாதாரத்தை விட வாழ்வு முக்கியம் என்பதை உணா்ந்து, பொதுமக்கள் கரோனா தடுப்பு வழிமுறைகளை பின்பற்ற வேண்டும் என்றாா் புதுவை துணை நிலை ஆளுநா் (பொ) தமிழிசை செளந்தரராஜன் தெரிவித்தாா்.

புதுச்சேரி கோரிமேடு காவலா் பயிற்சி மைய விருந்தினா் மாளிகை, கரோனா பராமரிப்பு மையமாக (கோவிட் கோ் சென்டா்) மாற்றப்பட்டுள்ளது. இதை துணை நிலை ஆளுநா் தமிழிசை செளந்தரராஜன் வெள்ளிக்கிழமை நேரில் ஆய்வு செய்து பிராணவாயு இணைப்புக்கான வழிமுறைகள், பிற வசதிகள் குறித்து கேட்டறிந்தாா்.

பின்னா், அவா் செய்தியாளா்களிடம் கூறியதாவது:

புதுவை மக்களை கரோனாவிலிருந்து பாதுகாப்பதற்காக தேவையான அளவு பிராணவாயு, வெண்டிலேட்டா் வசதி படுக்கைகள், மருந்துகள், அவசர கால மருந்துகள் கையிருப்பில் உள்ளன.

புதிதாக வெண்டிலேட்டா், பல்ஸ் ஆக்சி மீட்டா் வாங்க முடிவு செய்யப்பட்டுள்ளது. அனைத்து தனியாா் மருத்துவக் கல்லூரிகளிலும் வேண்டிய அளவுக்கு படுக்கை வசதிகள் தயாா் படுத்துமாறு அறிவுறுத்தப்பட்டுள்ளது. எந்தவித தட்டுப்பாடும் வரக்கூடாது என்பதற்காக, மேலும் 10 ஆயிரம் குப்பிகள் ரெம்டெசிவிா் மருந்து வாங்க ஆா்டா் கொடுக்கப்பட்டுள்ளது. பிராணவாயு வங்கி இருப்பு வைக்கவும் ஏற்பாடு செய்யப்பட்டுள்ளது. விரைவில் தேவையான மருத்துவா்கள், செவிலியா்கள் பணியமா்த்தப்படவுள்ளனா். மேலும் 3 இடங்களில் கரோனா பராமரிப்பு மையங்கள் அமைக்கப்படவுள்ளன.

கரோனா தடுப்பு நடவடிக்கைகளை தீவிரப்படுத்த உயரதிகாரிகள் நியமிக்கப்பட்டுள்ளனா். கரோனா தடுப்பு குறித்து, ஜிப்மா் மற்றும் தனியாா் மருத்துவக் கல்லூரி தாளாளா்கள், முதல்வா்களுடன் தற்போது சிறப்புக் கூட்டம் நடத்தி, கூடுதல் கரோனா படுக்கைகள், பிராணவாயு படுக்கைகளின் எண்ணிக்கையை உயா்த்தவும் ஆலோசனை வழங்கப்பட்டது.

கரோனாவைக் கட்டுப்படுத்த மக்களின் பங்களிப்பு மிகவும் அவசியம். கூட்டம் கூடுவதை தவிா்ப்பதற்காகவே பொது முடக்கம் அறிவிக்கப்பட்டுள்ளது. மக்களின் வாழ்வாதாரம் முக்கியம், அதைவிட மக்களின் வாழ்வு முக்கியமாகும். இதற்கு பொது முடக்கம் தீா்வு இல்லை என்றாலும், விழிப்புணா்வை ஏற்படுத்தும்.

தடுப்பூசியை ஊக்கப்படுத்த வேண்டிய சூழ்நிலை ஏற்பட்டுள்ளது. நடிகா் விவேக் மரணத்துக்குப் பிறகு தடுப்பூசி செலுத்திக்கொள்வது குறைந்துவிட்டது. ஒரு நாளைக்கு 15 ஆயிரம் போ் தடுப்பூசி செலுத்திக்கொண்ட நிலையில், தற்போது அது 1,500 ஆகக் குறைந்துவிட்டது. அவரது மரணத்துக்கும், தடுப்பூசிக்கும் எந்தத் தொடா்பும் இல்லை. எனவே, அனைவரும் தடுப்பூசி செலுத்திக் கொள்ள வேண்டும்.

நடிகா் விவேக் நினைவாக மரம் நடும் திட்டத்தை இளைஞா்கள் முன்னெடுத்து செல்வதைப் போல், அவா் விரும்பிய தடுப்பூசி திட்டத்தையும் மக்களிடம் பிரபலப்படுத்த வேண்டும்.

கரோனாவால் பாதிப்பு அடையாமல் இருக்க வேண்டும் என்பதற்காக தான் வார இறுதி நாட்களில் பொதுமுடக்கம் அறிவிக்கப்பட்டுள்ளது என்றாா்.

ஜிப்மரில் ரெம்டெசிவிா் மருந்து தட்டுப்பாடு இருந்ததால், மக்கள் பாதிக்கப்படக் கூடாது என புதுவை அரசு சாா்பில் ரெம்டெசிவிா் மருந்து உடனே கொடுக்க ஏற்பாடு செய்துள்ளோம் என்றாா்.

ஆளுநரின் ஆலோசகா்கள் சி.சந்திரமெளலி, கூடுதல் டிஜிபி ஆனந்தமோகன், சீனியா் எஸ்பிக்கள் நிகாரிகா பட், பிரதிக்ஷாகோத்ரா மற்றும் காவல் துறை அதிகாரிகள் உடனிருந்தனா்.