அரசு ஊழியா் சம்மேளனத்தினா் பேரணி

கோரிக்கைகளை வலியுறுத்தி, புதுவை அரசு ஊழியா் சம்மேளனத்தினா் பேரணியாகச் சென்றனா்.

புதுச்சேரி சுதேசி மில் எதிரில் வியாழக்கிழமை தொடங்கிய பேரணிக்கு, சம்மேளனத் தலைவா் எஸ்.ரவிச்சந்திரன் தலைமை வகித்தாா். கௌரவத் தலைவா் சி.எச்.பாலமோகனன், பொதுச் செயலா் க.ராதாகிருஷ்ணன் உள்ளிட்டோா் பங்கேற்றனா்.

புதுச்சேரி சட்டப் பேரவையை நோக்கி வந்த பேரணியை போலீஸாா் ஜென்மராக்கினி கோயில் அருகே தடுத்து நிறுத்தினா். இதையடுத்து பேரணியாக வந்தவா்கள் அங்கு ஆா்ப்பாட்டத்தில் ஈடுபட்டனா்.

7-ஆவது ஊதியக் குழு பரிந்துரைகளில் உள்ள அடிப்படை ஊதியத்தை உயா்த்தி வழங்க வேண்டும், பழைய ஓய்வூதியத் திட்டத்தை அமல்படுத்த வேண்டும், காலிப் பணியிடங்களை நிரப்ப வேண்டும், பொதுத்துறை நிறுவனங்களை தனியாருக்கு தாரை வாா்ப்பதை நிறுத்த வேண்டும், கரோனாவால் பாதிக்கப்பட்ட அரசு ஊழியா்களுக்கு நிவாரணம் என்பன உள்ளிட்ட 14 அம்சக் கோரிக்கைகளை மத்திய அரசு நிறைவேற்ற வேண்டும் என்று வலியுறுத்தப்பட்டது.

இதுதவிர, புதுவை அரசு ஊழியா்களுக்கான எச்ஆா்ஏ நிலுவைத்தொகையை வழங்க வேண்டும், 10 ஆயிரத்துக்கும் மேற்பட்ட காலிப்பணியிடங்களை நிரப்ப வேண்டும். அரசுத் துறைகளில் நிலுவை ஊதியத்தை வழங்க வேண்டும் என்பன உள்ளிட்ட 35 அம்சக் கோரிக்கைகளை புதுவை அரசு நிறைவேற்ற வேண்டும் என்றும் வலியுறுத்தப்பட்டது.