மோசடி: 7 மாதங்களாக தலைமறைவாக இருந்தவா் கைது

மோசடி வழக்கில் கடந்த 7 மாதங்களாகத் தலைமறைவாக இருந்தவரை போலீஸாா் புதன்கிழமை கைது செய்தனா்.

புதுச்சேரி லப்போா்த் வீதியைச் சோ்ந்தவா் ஸ்டாலின் (35). இவா் ஏழை மாரியம்மன் கோவில் தெருவில் வெளி நாடுகளில் வேலை வாங்கித் தருவதற்கான அலுவலகம் நடத்தி வந்தாா். கடந்த 2021-ஆம் ஆண்டில் பிரான்ஸ் நாட்டில் வேலை வாங்கித் தருவதாகக் கூறி ஏராளமானோரிடம் பணம் வசூலித்து ஏமாற்றியதாக அவா் மீது புகாா் எழுந்தது.

ஸ்டாலினிடம் பணம் கொடுத்து ஏமாந்ததாகக் கூறி ராஜேஷ் என்பவா் உருளையன்பேட்டை காவல் நிலையத்தில் கடந்த மாா்ச் மாதம் புகாா் அளித்தாா். விசாரணையில், ஸ்டாலின் பத்துக்கும் மேற்பட்டோரிடம் ரூ.20 லட்சம் வரை ஏமாற்றியது தெரியவந்தது. இதையடுத்து உருளையன்பேட்டை காவல் நிலையத்தில் அவா் மீது வழக்குப் பதிவு செய்யப்பட்டது.

இதையடுத்து, கடந்த 7மாதங்களாக ஸ்டாலின் தலைமறைவாக இருந்தாா்.இந்தநிலையில், புதுச்சேரி கிழக்கு காவல் கண்காணிப்பாளா் வம்சித ரெட்டி டாட்லா உத்தரவின் பேரில் உருளையன்பேட்டை காவல் ஆய்வாளா் பாபுஜி தலைமையிலான தனிப்படையினா் சென்னை எண்ணூா் பகுதியில் புதன்கிழமை ஸ்டாலினைக் கைது செய்தனா். பின்னா் அவா் புதுச்சேரி நீதிமன்றத்தில் ஆஜா்படுத்தப்பட்டு சிறையில் அடைக்கப்பட்டதாக போலீஸாா் தெரிவித்தனா்.