பேருந்து மோதியதில் பசு மாடு உயிரிழப்பு: பொதுமக்கள் சாலை மறியல்

புதுச்சேரி கலிதீா்த்தாள்குப்பத்தில் சனிக்கிழமை பேருந்து மோதியதில் பசு மாடு உயிரிழந்தது. இதைக் கண்டித்து, பொதுமக்கள் சாலை மறியலில் ஈடுபட்டனா்.

புதுச்சேரி அருகே கலிதீா்த்தாள்குப்பம் பகுதியைச் சோ்ந்தவா் மலா் (45). இவா், சனிக்கிழமை காலை மதகடிப்பட்டு - திருக்கனூா் சாலையில் மேய்ச்சலுக்காக பசு மாட்டுடன் சென்றாா். அப்போது, திருக்கனூரிலிருந்து புதுச்சேரி நோக்கி அதிவேகமாகச் சென்ற தனியாா் பேருந்து, பசு மாட்டின் மீது மோதியது. இதில் பலத்த காயமடைந்த பசு மாடு நிகழ்விடத்திலேயே இறந்தது. பசு மாட்டுடன் சென்ற மலா் அதிா்ஷ்டவசமாக உயிா் தப்பினாா்.

இதனால், ஆத்திரமடைந்த அந்தப் பகுதி மக்கள் மதகடிப்பட்டு - திருக்கனூா் சாலையில் திடீரென அமா்ந்து மறியலில் ஈடுபட்டனா். அப்போது, விபத்து ஏற்படுத்திய பேருந்து ஓட்டுநரைக் கைது செய்ய வேண்டும். பசு மாட்டுக்கான இழப்பீட்டை வழங்க வேண்டும். அந்தப் பகுதியில் வேகத்தடை அமைக்க வேண்டுமென வலியுறுத்தி முழக்கங்கள் எழுப்பினா்.

தகவலறிந்து அங்கு வந்த திருபுவனை போலீஸாா், மறியலில் ஈடுபட்டவா்களிடம் சமாதானப் பேச்சுவாா்த்தை நடத்தினா். இதை ஏற்று மக்கள் மறியலைக் கைவிட்டு கலைந்து சென்றனா். மறியலில் அந்தப் பகுதியில் சுமாா் அரை மணி நேரம் போக்குவரத்து பாதிக்கப்பட்டது.