புதுச்சேரியில் விநாயகா் சிலைகள் கடலில் கரைப்பு

விநாயகா் சதுா்த்தியையொட்டி, புதுச்சேரியில் பல்வேறு இடங்களில் வைக்கப்பட்டிருந்த விநாயகா் சிலைகள் ஞாயிற்றுக்கிழமை ஊா்வலமாக எடுத்துச் செல்லப்பட்டு கடலில் கரைக்கப்பட்டன.

புதுச்சேரியில் இந்து அமைப்பு சாா்பில் 187 இடங்களிலும், விழா பேரவை மற்றும் பக்தா்கள் சாா்பில் 25-க்கும் மேற்பட்ட இடங்களிலும் விநாயகா் சிலைகள் வைக்கப்பட்டு, வழிபாடுகள் நடத்தப்பட்டன.

புதுச்சேரி சாரம் பகுதியில் இந்து முன்னணி சாா்பில் 21 அடி உயர விநாயகா் சிலை வைக்கப்பட்டு, சிறப்பு வழிபாடு நடத்தப்பட்டது.

விநாயகா் சதுா்த்தி முடிந்தவுடன் பொதுமக்கள் தங்களது வீடுகளில் வைத்து வழிபட்ட விநாயகா் சிலைகளும், சில இடங்களில் பொதுமக்கள் வைத்திருந்த விநாயகா் சிலைகளும் நீா்நிலைகளில் கரைக்கப்பட்டன.

விநாயகா் சதுா்த்திக்குப் பிறகு 5-ஆம் நாளான ஞாயிற்றுக்கிழமை புதுச்சேரி இந்து முன்னணி, விழா பேரவை சாா்பில் வைக்கப்பட்டிருந்த சிலைகள் ஊா்வலமாக எடுத்துச் சென்று கடலில் கரைக்கும் நிகழ்ச்சி நடைபெற்றது.

முன்னதாக, நகரின் பல்வேறு இடங்களில் வைக்கப்பட்டிருந்த 100-க்கும் மேற்பட்ட சிலைகள் காமராஜா் சாலை சதுக்கம் சந்திப்பிலிருந்து முக்கிய சாலைகள் வழியாக மேளதாளங்கள் முழங்க, வாணவேடிக்கைகளுடன் ஊா்வலமாக எடுத்துச் செல்லப்பட்டு, புதுச்சேரி கடற்கரை சாலை பழைய நீதிமன்றம் அருகே கொண்டு வரப்பட்டன.

அங்கு விநாயகா் சிலைகளுக்கு துணைநிலை ஆளுநா் (பொ) தமிழிசை சௌந்தராஜன் பூஜை செய்து, கடலில் சிலைகளை கரைக்கும் நிகழ்வை தொடக்கிவைத்தாா். இதில் சட்டப்பேரவைத் தலைவா் செல்வம், அமைச்சா் சாய் ஜெ.சரவணன்குமாா், பாஜக தலைவா் சாமிநாதன், இந்து முன்னணி அமைப்பு தலைவா் சனில்குமாா், கோட்டத் தலைவா் முருகையன் உள்ளிட்டோா் கலந்து கொண்டனா்.

தொடா்ந்து, புதுச்சேரி கடலில் கிரேன் மூலம் ஒவ்வொரு விநாயகா் சிலையாக கடலில் கரைக்கப்பட்டது. இந்நிகழ்வை திரளான சுற்றுலா பயணிகளும், பொதுமக்களும் கண்டுகளித்தனா்.

இதேபோல, வில்லியனூா் மற்றும் அதைச் சுற்றியுள்ள பகுதிகளில் வைக்கப்பட்டிருந்த விநாயகா் சிலைகள் திருக்காஞ்சி சங்கராபரணி ஆற்றில் கரைக்கப்பட்டன.