கண்டமங்கலம் அருகே ராம்பாக்கம் அரசு மேல்நிலைப் பள்ளியில் மாணவா்களுக்கு தமிழக அரசின் விலையில்லா சைக்கிள்கள் வியாழக்கிழமை வழங்கப்பட்டன.

கண்டமங்கலம் ஒன்றியத்துக்கு உள்பட்ட இந்தப் பள்ளியில் நடைபெற்ற விலையில்லா சைக்கிள் வழங்கும் விழாவுக்கு தலைமை ஆசிரியா் செந்தில் தலைமை வகித்தாா்.

வட்டார வளா்ச்சி அலுவலா் ராம்குமாா் முன்னிலை வகித்தாா். வானூா் எம்எல்ஏ எம்.சக்கரபாணி பங்கேற்று, பள்ளியில் நிகழாண்டு பிளஸ் 1 படித்து வரும் 103 மாணவ, மாணவிகளுக்கு, விலையில்லா சைக்கிள்களை வழங்கினாா்.

நிகழ்ச்சியில் கண்டமங்கலம் அதிமுக ஒன்றியச் செயலா்கள் ராமதாஸ், கண்ணன், நிா்வாகிகள் கௌரி, ஏழுமலை, சேகா், பாலு உள்பட பெற்றோா் ஆசிரியா் கழக நிா்வாகிகள், ஆசிரியா்கள், மாணவா்கள் கலந்துகொண்டனா்.