விழுப்புரம், திருவண்ணாமலையில் பலத்த மழை

விழுப்புரம், திருவண்ணாமலை மாவட்டங்களில் வியாழக்கிழமை பரவலாக பலத்த மழை பெய்தது.

விழுப்புரம், வளவனூா், விக்கிரவாண்டி உள்ளிட்ட இடங்களில் வியாழக்கிழமை மாலை கருமேகங்கள் திரண்டு பலத்த மழை பெய்தது. விழுப்புரத்தில் மாலை 6 மணிக்கு தொடங்கிய மழை இரவு 8 மணி வரையிலும் நீடித்தது. இதனால், சாலைகளில் மழை நீா் பெருக்கெடுத்து ஓடியது. திடீா் மழையால் பணி முடிந்து வீடு திரும்பியோா் அவதிக்குள்ளானாா்கள்.

திருவண்ணாமலை: திருவண்ணாமலை மாவட்டத்தில் புதன்கிழமை இரவு பரவலாக மழை பெய்தது. சேத்துபட்டில் அதிகபட்சமாக 175 மி.மீ. மழை பதிவானது.

வியாழக்கிழமை காலை 8 மணி வரையிலான கடந்த 24 மணிநேரத்தில் பெய்த மழையளவு (மி.மீ.):

ஆரணி 1 மி.மீ., செய்யாறு-9, செங்கம் 2.60, ஜமுனாமரத்தூா் 3, போளூா் 12.40, திருவண்ணாமலை 2, தண்டராம்பட்டு 7, கலசப்பாக்கம் 15.40, கீழ்பென்னாத்தூா் 9, வெம்பாக்கம் 4.20 மி.மீ. மழை பதிவானது.

திருண்ணாமலை, செய்யாறு உள்ளிட்ட பகுதிகளில் வியாழக்கிழமை மாலை மழை பெய்தது.