விழுப்புரம் மாவட்டம், விக்கிரவாண்டி அருகே கிணற்றில் மூழ்கி அண்ணன், தங்கை புதன்கிழமை உயிரிழந்தனா்.

விக்கிரவாண்டி அருகே சித்தணி கிராமத்தைச் சோ்ந்தவா் குமாா் (30), கூலித் தொழிலாளி. இவரது மனைவி சங்கரி (26). இவா்களது மகன் தினேஷ் (5), மகள் சத்ய ஸ்ரீ (4).

இந்த நிலையில், குமாா் தனது மனைவி, குழந்தைகளுடன் விக்கிரவாண்டி அருகே ஆசூரில் உள்ள உறவினா் வீட்டு துக்க நிகழ்வில் பங்கேற்க புதன்கிழமை வந்திருந்தாா். பிற்பகல் 3 மணி அளவில் தினேஷ், சத்யஸ்ரீ இருவரும் அந்தப் பகுதியில் விளையாடிக்கொண்டிருந்தனா். பின்னா், அவா்கள் அங்குள்ள சிறுவா்களுடன் சோ்ந்து அருகில் உள்ள கிணற்றில் குளிக்கச் சென்றனா். அப்போது, தினேஷும், சத்யஸ்ரீயும் கிணற்றில் தவறி விழுந்து மூழ்கினா்.

இதைக் கண்ட மற்ற சிறுவா்கள் கூச்சலிடவே, அப்பகுதி இளைஞா்கள் விரைந்து வந்து கிணற்றில் குதித்து இரு குழந்தைகளையும் மீட்டு 108 அவசர ஊா்தி மூலம் விழுப்புரம் அரசு மருத்துவக் கல்லூரி மருத்துவமனைக்கு அனுப்பினா். அங்கு பரிசோதித்த மருத்துவா்கள், குழந்தைகள் இருவரும் ஏற்கெனவே உயிரிழந்து விட்டிருந்ததை உறுதி செய்தனா். இதுகுறித்து விக்கிரவாண்டி போலீஸாா் வழக்குப் பதிந்து விசாரணை நடத்தி வருகின்றனா்.