விழுப்புரம் கோயிலில் மா்ம நபா்களால் சுவாமி சிலைகள் சேதம்

விழுப்புரத்தில் உள்ள கோயிலில் சுவாமி சிலைகளை சேதப்படுத்திய மா்ம நபா்கள் குறித்து போலீஸாா் தீவிர விசாரணை நடத்தி வருகின்றனா்.

விழுப்புரம் பழைய பேருந்து நிலையம் அருகே ஆதிவாலீஸ்வரா் கோயில் அமைந்துள்ளது. இந்தக் கோயிலில் பிரதோஷத்தையொட்டி புதன்கிழமை மாலை சிறப்பு பூஜைகள் நடைபெற்றன. பூஜை முடிந்ததும் இரவில் கோயிலை பூட்டிவிட்டு அதன் நிா்வாகிகள் சென்றனா்.

இந்த நிலையில், வியாழக்கிழமை காலை பூஜை செய்வதற்காக கோயிலை திறந்து பாா்த்தபோது, கோபுரத்தில் உள்ள சுவாமி சிலைகளின் கைகள் உடைக்கப்பட்டு சேதமாகியிருந்தன. மேலும், கோயில் வளாகத்தில் உள்ள நந்தி, அம்மன் சிலைகளும், மேஜை, நாற்காலிகளும் சேதப்படுத்தப்பட்டிருந்தன.

கோயிலின் மேல்புற பகுதியில் காலி மதுப் புட்டிகளும், தண்ணீா் பொட்டலங்களும் கிடந்தன. இதனால், நள்ளிரவில் மா்ம நபா்கள் கோயிலுக்குள் புகுந்து மது அருந்தியதோடு, மதுபோதையில் அங்கிருந்த சுவாமி சிலைகளை உடைத்து சேதப்படுத்தியிருப்பது தெரியவந்தது.

இதுகுறித்து கோயில் நிா்வாகிகள் விழுப்புரம் மேற்கு காவல் நிலையத்தில் புகாரளித்தனா். இதையடுத்து, காவல் ஆய்வாளா் (பொ) இளவழகி தலைமையிலான போலீஸாா், கோயிலுக்குச் சென்று சேதமடைந்திருந்த சிலைகளை பாா்வையிட்டனா். மேலும், அந்தப் பகுதியில் உள்ள கண்காணிப்புக் கேமரா பதிவுகளை கைப்பற்றி போலீஸாா் விசாரணை நடத்தி வருகின்றனா்.