முகப்பு

டாஸ்மாக் கடைகளில் ரூ.31,680 பறிமுதல்: ஊழல் தடுப்பு போலீஸாா் அதிரடி

விழுப்புரம் மாவட்டத்தில் உள்ள டாஸ்மாக் மதுக் கடைகள், கிடங்குகளில் ஊழல் தடுப்புப் பிரிவு போலீஸாா் வெள்ளிக்கிழமை நடத்திய அதிரடி சோதனையில் கணக்கில் வராத ரூ.31,680 ரொக்கம் பறிமுதல் செய்யப்பட்டது.

28 ஜனவரி 2024, 9:58 am
பகிர்:

விழுப்புரம் மாவட்டத்தில் உள்ள டாஸ்மாக் மதுக் கடைகள், கிடங்குகளில் ஊழல் தடுப்புப் பிரிவு போலீஸாா் வெள்ளிக்கிழமை நடத்திய அதிரடி சோதனையில் கணக்கில் வராத ரூ.31,680 ரொக்கம் பறிமுதல் செய்யப்பட்டது.

தீபாவளி பண்டிகை நெருங்கி வரும் நிலையில், தமிழகம் முழுவதும் ஊழல் தடுப்பு மற்றும் கண்காணிப்புப் பிரிவு போலீஸாா் அரசுத் துறை அலுவலகங்களில் அதிரடியாக சோதனை மேற்கொண்டு வருகின்றனா். அந்த வகையில், விழுப்புரம் மாவட்டத்தில் ஊழல் தடுப்புப் பிரிவு போலீஸாா் பல்வேறு குழுக்களாக பிரிந்து டாஸ்மாக் கடைகளில் வெள்ளிக்கிழமை திடீா் சோதனையில் ஈடுபட்டனா்.

அவா்கள் நடத்திய சோதனையில், 3 நாள்கள் வசூலான பணத்தில், கணக்கில் வராத தொகை ரூ.31,680, சட்டவிரோதமாக கடையில் இல்லாமல் கிடங்கில் பதுக்கிவைக்கப்பட்ட ரூ. 6 லட்சத்து 47 ஆயிரத்து 180 மதிப்புள்ள 7 ஆயிரம் மதுப் புட்டிகள் ஆகியவற்றை அவா்கள் பறிமுதல் செய்தனா்.

Advertisement

Advertisement

இது தொடா்பாக ஊழல் தடுப்புப் பிரிவு போலீஸாா் வழக்குப்பதிவு செய்து விசாரணை நடத்தி வருகின்றனா்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.