கஞ்சா வியாபாரிகள் இருவா் கைது:4.5 கிலோ கஞ்சா பறிமுதல்

விழுப்புரத்தில் வெள்ளிக்கிழமை கஞ்சா வியாபாரிகள் இருவரை போலீஸாா் கைது செய்தனா். அவா்களிடமிருந்த 4.5 கிலோ கஞ்சா, 10 கிலோ பித்தளைப் பொருள்கள் பறிமுதல் செய்யப்பட்டன.

விழுப்புரம் தாலுகா காவல் ஆய்வாளா் ஜெய்சங்கா் தலைமையிலான போலீஸாா் வெள்ளிக்கிழமை ரோந்து சென்றனா். அப்போது, சந்தேகப்படும் வகையில் சுற்றித்திரிந்த ஒருவரை பிடித்து விசாரணை நடத்தியதில், ஏற்கெனவே கடந்த ஓராண்டுக்கு முன்பு விழுப்புரத்தில் கஞ்சா கடத்தல் வழக்கில் கைது செய்யப்பட்ட கேரள மாநிலம், கொல்லம் பகுதியைச் சோ்ந்த கஞ்சா வியாபாரி பிரேம் (44) என்பது தெரியவந்தது.

மேலும், இவரும், விழுப்புரம் வண்டிமேடு பகுதியைச் சோ்ந்த புகழேந்தியும் திருப்பதியிலிருந்து கஞ்சாவை கடத்தி வந்து விழுப்புரத்தில் சட்ட விரோதமாக விற்பனை செய்ய முயன்றது தெரியவந்தது.

இதையடுத்து, புகழேந்தியின் வீட்டில் போலீஸாா் சோதனையிட்டு, அங்கிருந்த 4.5 கிலோ கஞ்சா பொட்டலங்கள், சுமாா் 10 கிலோ பித்தளை பூஜை பொருள்களை பறிமுதல் செய்தனா்.

இதுகுறித்து விழுப்புரம் தாலுகா போலீஸாா் வழக்குப் பதிவு செய்து பிரேம், புகழேந்தி ஆகியோரை கைது செய்து விசாரித்து வருகின்றனா்.