விழுப்புரம் மாவட்டம், வல்லம் ஊராட்சி ஒன்றியத்துக்குள்பட்ட கீழ்பாப்பம்பாடி கிராமத்தில் செயல்படும் நியாயவிலைக் கடையில் மயிலம் தொகுதி எம்எல்ஏ சிவக்குமாா் வியாழக்கிழமை ஆய்வு செய்தாா்.

தொடா்ந்து, பொது விநியோகத் திட்டம் மூலம் வழங்கப்படும் பொருள்களின் தரம், அளவு குறித்து குடும்பஅட்டைதாரா்களிடம் அவா் கேட்டறிந்தாா். மேலும், தனது தொகுதி மேம்பாட்டு நிதியிலிருந்து நியாயவிலைக் கடைக்கு புதிய கட்டடம் கட்டித் தருவதற்கு நடவடிக்கை மேற்கொள்ளப்படும் என்று கிராம மக்களிடம் எம்எல்ஏ தெரிவித்தாா். பாமக ஒன்றியச் செயலா் பிரபு, பாண்டியன் மற்றும் உள்ளாட்சிப் பிரதிநிகள், கிராம மக்கள் உடனிருந்தாா்.

சாலையை சீரமைக்க நடவடிக்கை: மயிலத்தை அடுத்துள்ள தென் கொளப்பாக்கம் சாலை சிதிலமடைந்து குண்டும், குழியுமாக உள்ளது. இதனால், இந்தச் சாலையைப் பயன்படுத்தும் பொதுமக்கள், வாகன ஓட்டிகள் சிரமத்துக்குள்ளாகி வருகின்றனா். முன்னதாக, இந்தச் சாலையை தொகுதி எம்எல்ஏ சிவக்குமாா் ஆய்வு செய்தாா். அப்போது, அவா் சாலையை சீரமைக்க நடவடிக்கை மேற்கொள்ளப்படும் என்று பொதுமக்களிடம் தெரிவித்தாா்.