விழுப்புரம் மாவட்டம், திண்டிவனத்துக்கு வருகை தந்த தமிழக முதல்வருக்கு எதிராக கருப்புக் கொடி காட்ட திட்டமிட்டிருந்ததாக பாஜக நிா்வாகிகள் இருவரைப் போலீஸாா் கைதுசெய்தனா்.

தமிழக முதல்வா் மு.க.ஸ்டாலின் புதன்கிழமை திண்டிவனத்துக்கு வருகை தந்து அரசு சாா்பில் நலத்திட்ட உதவிகளை வழங்கினாா். தமிழக முதல்வரின் வருகையையொட்டி, திண்டிவனத்தில் பலத்த போலீஸ் பாதுகாப்பு போடப்பட்டிருந்தது.

இந்நிலையில், பாஜகவைச் சோ்ந்த சிலா் தமிழக முதல்வரின் வருகைக்கு எதிராக கருப்புக்கொடி காட்டுவதற்கு திட்டமிட்டிருந்ததாக போலீஸாருக்குத் தகவல் கிடைத்தது.

இதையடுத்து திண்டிவனம் போலீஸாா் முன்னெச்சரிக்கை நடவடிக்கையாக, பாஜக விழுப்புரம் வடக்கு மாவட்ட நிா்வாகிகள் த.ராஜா (51), க.பிரபு (28) ஆகியோரைக் கைது செய்தனா். விழா நிறைவுக்குப் பின்னா் இருவரும் விடுவிக்கப்பட்டனா்.