உங்கள் தம்பிக்கு ரிஷப லக்னம். திருவோண நட்சத்திரம் 3 ஆம் பாதம். தற்சமயம் குருமகா தசையில் புத புக்தி அடுத்த ஆண்டு செப்டம்பர் மாதம் வரை நடக்கும். இந்த காலகட்டத்திற்குள் அவருக்கு திருமணம் கைகூடும். வெளிநாடு சென்று பொருளீட்டும் யோகமும் உள்ளது. இன்னும் மூன்றாண்டுகளுக்குள் அவரின் உடல்நலம் முழுமையாக மேம்பட்டுவிடும். பெற்றோர் பார்த்து செய்யும் திருமணம் கைகூடும். லக்னாதிபதி உச்சம் பெற்று தர்மகர்மாதிபதியால் பார்க்கப்படுவதால் எதிர்காலம் சிறப்பாக அமையும். பிரதி வியாழக்கிழமைகளில் அவரை ஒருபொழுதாவது விரதமிருந்து குருபகவானையும் தட்சிணாமூர்த்தியையும் வழிபட்டு வரச்சொல்லவும்.