உங்கள் இளைய மகனுக்கு கடக லக்னம், மேஷ ராசி. தற்சமயம் பாக்கிய ஸ்தானத்தில் அமர்ந்திருக்கும் ராகுபகவானின் தசை நடக்கத்தொடங்கியுள்ளது. ராகுபகவான் ஆட்சி பெற்றுள்ள குருபகவானுடன் இணைந்து இருப்பதால் அஷ்டமஹா நாக யோகத்தைக் கொடுக்கிறார். அதனால் அவருக்கு இந்த ஆண்டு அக்டோபர் மாதத்திற்குப்பிறகு சம அந்தஸ்தில் உள்ள பெண் அமைந்து திருமணம் கைகூடும். பரிகாரம் எதுவும் தேவையில்லை. அவரின் எதிர்காலம் சிறப்பாகவே அமையும். மற்றபடி குடும்பத்தில் இருவர் ஒரே நட்சத்திரமாக இருந்தால் ஒருவருக்குத்தான் யோகபாக்கியம் உண்டாகும் என்பது இல்லை.