உங்கள் பேரனுக்கு தனுசு லக்னம், தனுசு ராசி. லக்னாதிபதி உச்சம் பெற்று பூர்வபுண்ணிய ஸ்தானாதிபதிக்கு நீச்சபங்க ராஜயோகத்தைத் கொடுக்கிறார். அவருடன் விபரீத ராஜயோகம் பெற்றுள்ள சுக்கிரபகவானும் இணைந்திருக்கிறார். இவர்களை குடும்ப ஸ்தானத்திலிருந்து சனிபகவான் பார்வை செய்கிறார். தர்மகர்மாதிபதிகளான சூரிய, புதபகவான்கள் களத்திர நட்பு ஸ்தானத்தில் இணைந்திருக்கிறார்கள். புதபகவான் களத்திர ஸ்தானத்தில் ஆட்சி பெற்றிருப்பது பஞ்சமகா புருஷயோகங்களில் ஒன்றான பத்ர யோகத்தைக் கொடுப்பது சிறப்பாகும். தற்சமயம், பாக்கியாதிபதியான சூரியபகவானின் தசையில் பிற்பகுதி நடக்கத் தொடங்கியுள்ளதால் அடுத்த ஆண்டு இறுதிக்குள் சமதோஷமுள்ள பெண் உறவில் அமைந்து திருமணம் கைகூடும். பரிகாரம் எதுவும் தேவையில்லை.