எல்.ஐ.சி. ஹவுசிங் நிறுவனத்தின் மூன்றாம் காலாண்டு நிகர லாபம் 19 சதவீதம் அதிகரித்து ரூ. 499.26 கோடியாக இருந்தது என்று அறிவித்துள்ளது.
நடப்பு நிதி ஆண்டின் அக்டோபர் முதல் டிசம்பர் வரையிலான மூன்றாம் காலாண்டு செயல்பாடுகளைக் குறித்து அந்த நிறுவனம் மும்பை பங்குச் சந்தைக்கு அளித்த அறிக்கையில் தெரிவிக்கப்பட்டிருப்பதாவது:
மூன்றாம் காலாண்டில் நிறுவனத்தின் வருவாய் ரூ. 3,548.72 கோடியாக இருந்தது. கடந்த நிதியாண்டில் இது ரூ. 3,156.70 கோடியாக இருந்தது.
கடந்த நிதியாண்டின் இதே கால அளவில் ஈட்டிய நிகர லாபம் ரூ. 418.90 கோடியாகும். அதைக் காட்டிலும் தற்போது 19.2 சதவீதம் அதிகரித்து ரூ. 499.26 கோடியை நிகர லாபமாக நிறுவனம் பெற்றுள்ளது என்று எல்.ஐ.சி. ஹவுசிங் அந்த அறிக்கையில் தெரிவித்துள்ளது.