எல் & டி பைனான்ஸ் ஹோல்டிங்ஸ் நிறுவனத்தின் நான்காவது காலாண்டு லாபம் ரூ.384.86 கோடியாக சரிந்துள்ளது.

இதுகுறித்து அந்த நிறுவனம் பங்குச் சந்தையிடம் கூறியுள்ளதாவது:

கடந்த 2019-20-ஆம் நிதியாண்டின் ஜனவரி முதல் மாா்ச் மாதம் வரையிலான நான்காவது காலாண்டில் நிறுவனம் ஈட்டிய மொத்த வருவாய் ரூ.3,427.22 கோடியாக இருந்தது. இது, இதற்கு முந்தைய 2018-19 நிதியாண்டின் இதே காலகட்டத்தில் ஈட்டிய வருவாய் ரூ.3,383.92 கோடியுடன் ஒப்பிடுகையில் அதிகம்.

மொத்த செலவினம் ரூ.2,634.56 கோடியிலிருந்து அதிகரித்து ரூ.2,971 கோடியானது. நிகர லாபம் ரூ.552.12 கோடியிலிருந்து 30 சதவீதம் சரிவடைந்து ரூ.384.86 கோடியாக இருந்தது என எல் & டி பைனான்ஸ் ஹோல்டிங்ஸ் தெரிவித்துள்ளது.