கஜினி படத்தில் செல்போன் நிறுவன உரிமையாளரைக் காதலிப்பார் அசின். அதேபோல அவருடைய நிஜவாழ்க்கையிலும் நடந்துள்ளது.

மைக்ரோமேக்ஸ் செல்போன் நிறுவனத்தின் இணை நிறுவனர் ராகுல் சர்மாவும் (36) அசினும் (29) கடந்த சில வருடங்களாக காதலித்து வருகிறார்கள். இதனையடுத்து விரைவில் திருமணம் செய்ய இருவரும் முடிவெடுத்துள்ளதாகத் தகவல்கள் தெரிவிக்கின்றன. 

இதுதொடர்பாக ஆங்கில நாளிதழ் ஒன்றுக்கு அசின் பேட்டியளித்துள்ளார். அதில் அவர் கூறியதாவது: என்னுடைய எல்லா சினிமா வேலைகளையும் முடித்துக்கொண்டு வருகிறேன். அப்போதுதான் என்னால் என் சொந்த வாழ்க்கைக்கு நேரம் ஒதுக்கமுடியும். கடந்த இரண்டு வருடங்களாக புதுப்படங்களில் நடிக்க ஒப்புக்கொள்வதில்லை என்று கூறியுள்ளார்.

இதைத் தொடர்ந்து அவர் தன்னுடைய காதலர் ராகுல் சர்மாவை விரைவில் திருமணம் செய்யவுள்ளார் எனத் தெரிகிறது.