கடந்த சில நாள்களாக, நடிகை த்ரிஷா அதிமுகவில் இணையப் போகிறார் என்று ஒரே பரபரப்பு.

த்ரிஷா, தனது ட்விட்டர் பக்கத்தில் ஜெயலலிதாவிடம் விருது வாங்குவது போன்ற ஒரு புகைப்படத்தை மாற்றி இருந்தார். இதனால் அவர் அதிமுக-வில் இணையப் போகிறார் என செய்திகள் வெளியாகின. குஷ்பு போல த்ரிஷாவும் இனி அரசியலில் தீவிரமாக இயங்க உள்ளார் என்றும் பேசப்பட்டது. இதனால் அரசியல் வட்டாரம், தமிழ்த் திரையுலகம் என இரு தரப்பிலும் பரபரப்பு ஏற்பட்டது. இப்போது தன்னுடைய ட்விட்டர் பக்கம் வழியாக யூகங்களுக்குப் விளக்கம் அளித்துள்ளார் த்ரிஷா.

‘சமீபத்தில் வெளியாகி உள்ள செய்திகள் போல நான் அரசியலில் எல்லாம் சேரப் போவதில்லை. இப்போது மட்டுமல்ல, எப்போதுமே அந்த எண்ணம் எனக்கு கிடையாது’ என்று தெரிவித்துள்ளார்.