குறும்பட இயக்குநர்களை ஊக்கப்படுத்தும் விதமாக யூடியூப் சேனல் ஒன்றை ஆரம்பிக்க உள்ளார் ஐஸ்வர்யா தனுஷ்.

டென் எண்டர்டெயிண்மெண்ட் என்கிற பேனரில் உருவாகவிருக்கும் யூடியூப் சேனலில் தமிழ், தெலுங்கு, மலையாளம், கன்னடம் ஆகிய மொழிகளில் உருவாகும் குறும்படங்கள் வெளியிடப்படும்.

இது குறித்து ஐஸ்வர்யா தனுஷ் கூறும்போது, திறமையாளர்களை ஊக்கப்படுத்தும் விதமாக யூடியூப் சேனல் தொடங்கப்படுகிறது. அவர்களுக்கு உரிய மரியாதையும் கவனமும் கிடைப்பதற்காக இந்த முயற்சி எடுக்கப்படுகிறது. முதலில் நான்கு தென்னிந்திய மொழிகளில் உருவாகும் குறும்படங்களை வெளியிடுவோம். பிறகு மற்ற மொழிகளுக்கும் இத்திட்டம் விரிவுபடுத்தப்படும் என்றார்.