இயக்குநர் கபீர் கான் இயக்கத்தில் சல்மான் கான், கரீனா கபூர் போன்றோர்  நடித்துள்ள படம், பஜ்ரங்கி பைஜான். இது, வசூலில் சாதனை படைத்து வருகிறது.

இதுவரை இந்தப் படம் 240 கோடி ரூபாய் வசூலைப் பெற்றுள்ளது. இரண்டாவது வார இறுதியிலும் இதன் வசூல் கொஞ்சமும் குறையாமல் கடந்த வெள்ளி, சனி, ஞாயிற்றுக் கிழமைகளில் மட்டும் ரூ. 56 கோடி வசூல் வேட்டை நடத்தியுள்ளது.

இதுவரை வெளிவந்த சல்மான் கான் படங்களில் இதுதான் அதிகம் வசூல் செய்த படம். இதற்கு முன்பு ரூ.200 கோடி வசூலித்த சல்மான் கான் படமாக ‘கிக’் இருந்தது. அதன் வசூலை இந்தப் படம் தாண்டியுள்ளது. 2015-ல் அதிகம் வசூலித்த ஹிந்திப் படம் என்கிற பெருமையையும் பெற்றுள்ளது. இது, விரைவில் ரூ. 300 கோடியைத் தொடும் என எதிர்பார்க்கப்படுகிறது.