அப்துல் கலாமின் மறைவுக்கு ட்விட்டரில் இரங்கல் தெரிவிக்க முயன்ற நடிகை அனுஷ்கா சர்மா, கலாமின் பெயரைத் தவறாகக் குறிப்பிட்டதால் கடும் கண்டனங்களை எதிர்கொண்டார்.

நேற்று காலமான அப்துல் கலாமுக்கு பலரும் சமூக வலைத்தளம் வழியாக இரங்கல் தெரிவித்து வருகிறார்கள். பிரபல பாலிவுட் நடிகை அனுஷ்கா சர்மா தன்னுடைய இரங்கலில் கலாமின் பெயரை ABJ Kalam Azad என்று முதலில் தவறுதலாக ட்வீட் செய்தார். பிறகு மீண்டும் APJ Kalam Azad என்று இன்னொருமுறை தவறுதலாக கலாமின் பெயரை ட்வீட் செய்ததால் கடும் கண்டனங்களை எதிர்கொண்டார். இந்த இரு ட்வீட்களையும் டெலிட் செய்த அனுஷ்கா, பிறகு மூன்றாவது முறையாக சரியான முறையில் கலாமின் பெயரைக் குறிப்பிட்டு ட்வீட் செய்தார்.