இந்தியா முழுவதும் ஒமைக்ரான் மற்றும் கரோனா தொற்றுகளின் தாக்குதல் அதிகரித்து வருவதால் பல முக்கிய நகரங்களில் புத்தாண்டு கொண்டாட தடை விதிக்கப்பட்டுள்ளது.

குறிப்பாக பல மாநிலங்களில் இரவு 11 மணி முதல் அதிகாலை 5 மணி வரை இரவு ஊரடங்கும் அமலில் இருப்பதால் புத்தாண்டு கொண்டாட்டங்களுக்கு தடை விதிக்கப்பட்டுள்ளது.

இந்நிலையில், அசாம் மாநில காவல்துறை புத்தாண்டிற்கு வித்தியாசமான முறையில் வாழ்த்து அட்டையை வெளியிட்டுள்ளனர். அதில் , நட்சத்திர ஹோட்டல் அழைப்பிதழ் பாணியில் ’இது புத்தாண்டு மாலைக்கு’ என்கிற தலைப்பில் ‘ எங்களுடைய விருந்தினராக மாறமால் இருக்க முயற்சி செய்யுங்கள்’, ’அதிவேகமாக வாகனம் ஓட்டுபவர்களுக்கும், குடித்துவிட்டு வருபவர்களுக்கும் இலவச அனுமதி’ என புத்தாண்டு இரவில் வன்முறையில் ஈடுபட்டு காவல்துறையினரிடம் சிக்கினால் என்னென்ன நடக்கும் என்கிறதை நகைச்சுவையாக இன்ஸ்டாகிராம் பக்கத்தில் பகிர்ந்திருக்கிறார்கள்.