நடிகர் கமல்ஹாசனின் வரிகளில் நடிகை ஸ்ருதிஹாசன் இயக்கி லோகேஷ் கனகராஜ் நடித்துள்ள பாடல் இன்று மாலை வெளியாகும் என்று தயாரிப்பு நிறுவனம் அறிவித்துள்ளது.

இயக்குநர் லோகேஷ் கனகராஜ் லியோ படத்தின் வெற்றிக்குப் பின் நடிகர் ரஜினிகாந்த்தை வைத்து படம் இயக்கவுள்ளார். ரஜினி - 171 படமாக இது உருவாக உள்ளது. இதற்கான ஸ்கிரிப்ட் வேலைகளில் லோகேஷ் கனகராஜ் ஈடுபட்டு வருகிறார்.

இதற்கிடையே, ’இனிமேல்’ என்கிற பெயரில் துவங்கும் பாடலில் லோகேஷ் கனராஜ் நடித்துள்ளார்.

ராஜ்கமல் தயாரிப்பில் நடிகர் கமல்ஹாசன் எழுத்தில் நடிகை ஸ்ருதிஹாசன் இசையமைத்து இயக்கியுள்ள இந்த பாடலில் லோகேஷுடன் ஸ்ருதிஹாசனும் இணைந்து நடித்துள்ளார்.

இந்த பாடலில் டீசர் கடந்த வாரம் வெளியாகி ரசிகர்களின் மத்தியில் வரவேற்பை பெற்றது.

‘இனிமேல்’ பாடல் இன்று வெளியாகும் என்று ஏற்கெனவே அறிவிக்கப்பட்டிருந்த நிலையில், மாலை 4 மணிக்கு வெளியாகவுள்ளதாக தயாரிப்பு நிறுவனம் அறிவித்துள்ளது.