சேகர் கம்முலா இயக்கத்தில் தனுஷ், நாகார்ஜுனா கூட்டணியில் உருவாகியுள்ள குபேரா திரைப்படத்தின் டிரெய்லர் வெளியீட்டுத் தேதி அறிவிக்கப்பட்டுள்ளது.

முதல்முறையாக தெலுங்கு சினிமாவில் முன்னணி நடிகர்களில் ஒருவரான நாகார்ஜுனாவும் நடிகர் தனுஷும் இணைந்து நடித்துள்ளதால் குபேரா மீதான எதிர்பார்ப்பு தமிழ், தெலுங்கு ரசிகர்களிடையே அதிகரித்துள்ளது. தேவி ஸ்ரீபிரசாத் இப்படத்துக்கு இசையமைத்துள்ளார்.

இப்படத்தின் அனைத்து பணிகளும் முடிவடைந்து படம் திரையரங்குகளில் ஜூன் 20-ஆம் தேதி வெளியீட்டுக்காக தயாராக உள்ளது.

இப்படத்தின் டிரெய்லர் வரும் வெள்ளிக்கிழமை ஜூன் 13-ஆம் தேதி வெளியிடப்படும் என்று படக்குழுவினர் இன்று அறிவித்துள்ளனர்.