கார்த்தியும் விஷாலும் இணைந்து நடிக்கும் படத்தை பிரபுதேவா இயக்குகிறார். இப்படத்துக்கு கருப்பு ராஜா வெள்ளை ராஜா என்று பெயரிடப்பட்டுள்ளது.

இந்தப் பலமான கூட்டணியுள்ள படத்துக்கு ஹாரிஸ் ஜெயராஜ் இசையமைக்கவுள்ளார். வெடி படத்துக்குப் பிறகு பிரபுதேவா இயக்கும் தமிழ்ப்படம் இது.

இப்படம் பற்றி கார்த்தி கூறும்போது, இரு கதாநாயகர்கள் ஒன்றாக நடிப்பதென்றால் இருவரும் நீண்ட நாள்களாக நண்பர்களாக இருக்கவேண்டும். ஆனால் எனக்கு விஷாலை நடிகர் சங்கத் தேர்தலின்போதுதான் தெரியும். எனக்கு இது பெருமையாக உள்ளது என்று கூறியுள்ளார். சயீஷா கதாநாயகியாக நடிக்கிறார். இவர் இயக்குநர் விஜய்யின் வனமகன் படத்தில் நடித்துவருகிறார். பிரபுதேவா ஸ்டூடியோஸ் இப்படத்தைத் தயாரிக்கிறது.