பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவாகியுள்ள படம் -  'பாகுபலி தி கன்க்ளூஷன்’ (பாகுபலி 2). இந்தப் படம், ஏப்ரல் 28 அன்று வெளிவருகிறது.

பாகுபலி 2 படம் ஐமேக்ஸ் திரையரங்குகளுக்கு ஏற்றவாறு ஐமேக்ஸ் பதிப்பிலும் வெளியாகும் என முதலில் சொல்லப்பட்டது. ஆனால் தற்போது ஐமேக்ஸ் பதிப்பில் ஹிந்தி, தெலுங்கு ஆகிய இரு மொழிகளில் மட்டுமே வெளிவரவுள்ளது. தமிழ், மலையாளம் ஆகிய மொழிகளில் ஐமேக்ஸ் பதிப்பில் வெளிவராது. 

ஐமேக்ஸ் திரையரங்குக்கு ஏற்றவாறு ஐமேக்ஸ் பதிப்பில் வெளியாகும் முதல் தென்னிந்தியத் திரைப்படம் என்கிற பெருமையை பாகுபலி பெற்றுள்ளது. ஹிந்தியில் தூம் 4, பேங் பேங் ஆகிய படங்கள் ஐமேக்ஸுக்கு ஏற்றவாறு வெளியிடப்பட்டன.