ஏ.ஆர். ரஹ்மான் இசையில் மெர்சல் பாடலின் டீசர்!

அட்லி இயக்கத்தில் விஜய் நடித்துவரும் மெர்சல் படத்தின் நீ தானே பாடலின் டீசர் வெளியிடப்பட்டுள்ளது. இதன் முழுப்பாடல் மாலை 6 மணிக்கு வெளியிடப்படுகிறது.

தெறி படத்துக்குப் பிறகு விஜய் - அட்லி கூட்டணி மீண்டும் இணையும் மெர்சல் படத்தை ஸ்ரீ தேனாண்டாள் பிலிம்ஸ் தயாரித்து வருகிறது. இப்படத்தில் காஜல் அகர்வால், சமந்தா, நித்யா மேனன் என மூன்று கதாநாயகிகள் நடித்துள்ளார்கள். மேலும் சத்யராஜ், எஸ்.ஜே. சூர்யா, வடிவேலு, கோவை சரளா, சத்யன், யோகி பாபு எனப் பெரிய நட்சத்திரப் பட்டாளமே இப்படத்தில் பங்கேற்றுள்ளது. ஸ்ரீ தேனாண்டாள் பிலிம்ஸ் தயாரிக்கும் 100-வது படம் இது. ஜி.கே. விஷ்ணு ஒளிப்பதிவு. ஒரே சமயத்தில் தமிழ், தெலுங்கு ஆகிய இரு மொழிகளிலும் உருவாகிவரும் படம், தீபாவளியன்று வெளிவருகிறது.

ஆகஸ்ட் 20 அன்று மெர்சல் பாடல்கள் வெளியிடப்படுகின்றன. அதற்கு முன்னோட்டமாக, ஆளப்போறான் தமிழன் என்கிற பாடல் கடந்த வாரம் வெளியிடப்பட்டது. 

நீ தானே பாடலை ஏ.ஆர். ரஹ்மான், ஷ்ரேயா கோஷல் ஆகிய இருவரும் பாடியுள்ளார்கள்.