சமீபத்தில் ஒரு சிறுமியுடன் நடிகை த்ரிஷா உள்ள புகைப்படம் சமூகவலைத்தளங்களில் பகிரப்பட்டது. இந்தப் படம் விஜய் சேதுபதிக்கு ஜோடியாக த்ரிஷா நடிக்கும் 96 படத்தின் புகைப்படம் என்றும் த்ரிஷா வேடத்தில் நடிக்கும் சிறுமி அப்புகைப்படத்தில் இடம்பெற்றுள்ளார் என்றும் கூறப்பட்டது. 

இந்நிலையில் இந்தத் தகவல்களை முற்றிலும் மறுத்துள்ள த்ரிஷா ரசிகர்களுக்கு ஒரு வேண்டுகோள் விடுத்துள்ளார். ட்விட்டரில் அவர் கூறியதாவது: 

என்னுடன் இணைந்து புகைப்படம் எடுத்துக்கொள்ள விருப்பப்படும் ரசிகர்களுக்கு மறுப்பு சொல்லாமல் மகிழ்வுடன் அதற்குச் சம்மதிப்பேன். அதேசமயம் படப்பிடிப்புத் தளத்தில் எடுக்கப்படும் புகைப்படங்களைச் சமூகவலைத்தளங்களில் பகிரவேண்டாம். ஒரு கதாபாத்திரத்தின் தோற்றத்துக்காகக் கடுமையாக உழைக்கும் இயக்குநரை அது அவமதிக்கும் செயலாகும் என்று கூறியுள்ளார்.