லாஸ் ஏஞ்சல்ஸில் இந்த வருட சம்மர் ஸ்பெஷல், அதிபர் டிரம்பின் முகம் பதித்து வெளியாகியுள்ள நியூ கலெக்‌ஷன் ஸ்விம் ஷூட்கள் தான். கலிஃபோர்னியாவைச் சேர்ந்த ஆடை நிறுவனம் ஒன்று ஆச்சர்யத்தில் வாயைப் பிளந்தவாறு இருக்கும் டிரப்ம்பின் முகத்தை சித்தரிக்கும் வகையில் ஸ்விம்ஷூட் கலெக்‌ஷன்களை வெளியிட்டு பரபரப்பைக் கிளப்பியுள்ளது. ‘அதிர்ச்சியடைந்த டிரம்ப்’ எனும் பெயரில் வெளியாகி இருக்கும் இந்த ஸ்விம் ஷூட்கள் தற்போது இணையத்தில் வைரலாகிக் கொண்டிருக்கின்றன. கடந்த வருடம் நமது இந்திய தேசியக் கொடியை மிதியடியில் அச்சிட்டும், ஷூவில் அச்சிட்டும் பரபரப்பைக் கிளப்பி கண்டனத்துக்கு உள்ளான அமேஸான் நிறுவனம் போல இந்த கலிபோர்னிய ஆடை நிறுவனமும் கண்டனத்துக்கு உள்ளாகுமா? அல்லது அதிபர் டிரம்ப் இதை ஸ்போர்டிவ்வாக எடுத்துக் கொள்வாரா? எனப் பொறுத்திருந்து பார்க்கலாம்.