கார்த்திக் சுப்புராஜ் இயக்கத்தில் ரஜினி நடித்துள்ள படத்தை சன் பிக்சர்ஸ் தயாரித்துள்ளது. விஜய் சேதுபதி, சிம்ரன், த்ரிஷா, சசிகுமார், நவாசுதீன் சித்திக் போன்றோரும் இப்படத்தில் முக்கிய வேடங்களில் நடித்துள்ளார்கள். இசை - அனிருத். பேட்ட படம் பொங்கலுக்கு வெளியாகும் என அதிகாரபூர்வமாக அறிவித்துள்ளது சன் பிக்சர்ஸ். 

பேட்ட படத்தின் இசை வெளியீட்டு விழா நேற்று நடைபெற்ற நிலையில் அதன் வியாபாரமும் கூடவே நடைபெற்றுக் கொண்டிருக்கிறது. உதயநிதி ஸ்டாலின் ரெட்ஜியண்ட் மூவிஸ் - வட ஆற்காடு, தென் ஆற்காடு, செங்கல்பட்டு, மதுரை, சேலம் ஆகிய பகுதிகளின் பேட்ட பட விநியோக உரிமையைப் பெற்றுள்ளார். இதை உதயநிதி ஸ்டாலினும் உறுதி செய்துள்ளார். குட்டிப்புலி படத்துக்குப் பிறகு சன் பிக்சர்ஸுடன் இணைவதில் மகிழ்ச்சி என்று உதயநிதி ஸ்டாலின் கூறியுள்ளார்.