அஜித் - சிவா ஆகிய இருவரும் மீண்டும் இணைந்துள்ள படம் - விஸ்வாசம். கதாநாயகியாக நயன்தாரா நடித்துள்ளார். சத்யஜோதி ஃபிலிம்ஸ் தயாரித்துள்ள இப்படத்தில் ஜகபதி பாபு, விவேக், யோகி பாபு, ரோபோ சங்கர், தம்பி ராமையா, கோவை சரளா போன்றோரும் நடித்துள்ளார்கள். இப்படத்துக்கு இசை - இமான்; ஒளிப்பதிவு - வெற்றி. பொங்கலுக்கு வெளியாகும் என அறிவிக்கப்பட்டுள்ளது.
இந்தப் படத்தின் தொலைக்காட்சி உரிமம், சன் டிவிக்கு வழங்கப்பட்டுள்ளதாக சத்யஜோதி ஃபிலிம்ஸ் நிறுவனம் அறிவித்துள்ளது. இந்நிலையில் ரசிகர்கள் மிகவும் எதிர்பார்த்த இப்படத்தின் பாடல் ஒன்று வெளியாகியுள்ளது. இமான் இசையமைப்பில் அவரே பாடியுள்ள அடிச்சு தூக்கு என்கிற பாடல் வெளியாகியுள்ளது. இப்பாடலை விவேகா எழுதியுள்ளார்.