வெளியானது துல்கர் சல்மானின் 25-ஆவது பட 'பர்ஸ்ட் லுக்' போஸ்டர்! 

சென்னை:  காதலர் தினத்தினை முன்னிட்டு நடிகர் துல்கர் சல்மானின் 25-வது படத்தின் பர்ஸ்ட் லுக் போஸ்டர் வெளியிடப்பட்டுள்ளது.

மலையாள நடிகர் மம்முட்டியின் மகன் துல்கர் சல்மான். தமிழ் மற்றும் மலையாளப்படங்களில்  நடித்து வருகிறார்.அவரது 25-வது படம் தமிழ் படமாக அமைந்திருக்கிறது.

'கண்ணும் கண்ணும் கொள்ளையடித்தால்' என்று பெயரிடப்பட்டுள்ள இப்படத்தை புதுமுக இயக்குநர் தேசிங் பெரியசாமி இயக்கி வருகிறார்.

காதலர் தினத்தை முன்னிட்டு  இந்த படத்தின் பர்ஸ்ட் லுக் போஸ்டரை படக்குழு புதனன்று வெளியிட்டுள்ளது நாயகன் துல்கர் சல்மான் மற்றும் நாயகி ரீத்து வர்மா இருவருமே 'இதய வடிவத்தில்' கைகளை வைத்திருப்பது போன்று போஸ்டர் வடிவமைக்கப்பட்டுள்ளது.