ரஷ்யக் காதலருடன் நடிகை ஸ்ரேயாவுக்கு அடுத்த மாதம் திருமணம்!

பிரபல நடிகை ஸ்ரேயா மார்ச் மாதம் திருமணம் செய்யவுள்ளதாக மும்பை ஊடகம் ஒன்றில் செய்தி வெளியாகியுள்ளது. 

2001-ல் திரையுலகில் அறிமுகமான ஸ்ரேயா, தமிழ் மற்றும் தெலுங்குத் திரையுலகங்களில் பிரபல நடிகர்களுக்கு ஜோடியாக நடித்துள்ளார். இந்நிலையில் ஸ்ரேயாவுக்கு அடுத்த மாதம் திருமணம் நடைபெறவுள்ளதாகவும் அதுகுறித்த விவரங்களும் தற்போது வெளியாகியுள்ளன.

ரஷ்யாவைச் சேர்ந்த விளையாட்டு வீரரும் தொழிலதிபருமான ஆண்ட்ரே கோஷ்சீவைக் காதலித்து வருகிறார் ஸ்ரேயா. இந்நிலையில் தனது காதலரை மார்ச் மாதம் திருமணம் செய்யவுள்ளார். 

மார்ச் 17, 18, 19 ஆகிய தேதிகளில் உதய்பூரில் திருமணம் நிகழ்ச்சிகள் நடைபெறவுள்ளன. ஸ்ரேயா, தனது திருமணம் குறித்த அதிகாரபூர்வ அறிவிப்பை விரைவில் வெளியிடுவார் என எதிர்பார்க்கப்படுகிறது.