தனுஷின் மாரி 2 & செல்வராகவன் - சூர்யா படங்களின் படப்பிடிப்புகள் தொடங்கின!

தனுஷ் - பாலாஜி மோகன் கூட்டணியில் உருவாகும் மாரி 2, சூர்யா - செல்வராகவன் கூட்டணியில் உருவாகும் படம் என இரு முக்கியமான படங்களின் படப்பிடிப்புகள் இன்று முதல் தொடங்கியுள்ளன. 

மாரி 2 படத்தில் சாய் பல்லவி கதாநாயகியாக நடிக்கிறார். முக்கிய கதாபாத்திரத்தில் வரலட்சுமி நடிக்கவுள்ளார்.

எஸ்.ஆர். பிரபு தயாரிப்பில் உருவாகும் சூர்யா - இயக்குநர் செல்வராகவன் இணையும் படத்திலும் சாய் பல்லவி கதாநாயகியாக நடிக்கிறார். ரகுல் ப்ரீத் சிங்கும் மற்றொரு கதாநாயகியாக நடிக்கவுள்ளார்.

இவ்விரு படங்களின் படப்பிடிப்புகள் இன்று முதல் தொடங்கியுள்ளன. இத்தகவல்கள் சமூகவலைத்தளங்களில் அதிகாரபூர்வமாக வெளியிடப்பட்டுள்ளன.