விஜய் சேதுபதி நடிக்கும் மாமனிதன் படத்துக்கு இளையராஜா - யுவன் - கார்த்திக் ராஜா இசை!

இளையராஜாவுக்கு பத்ம விபூஷண் விருது அறிவிக்கப்பட்ட இத்தருணத்தில் புதிய தகவல் ஒன்றை வழங்கியுள்ளார் யுவன் சங்கர் ராஜா.

சீனு ராமசாமி இயக்கத்தில் விஜய் சேதுபதி நடிக்கவுள்ள மாமனிதன் படத்துக்கு இளையராஜாவும் அவருடைய இரு மகன்களும் இணைந்து இசையமைக்கவுள்ளார்கள். இதுகுறித்து யுவன் ட்வீட் செய்ததாவது: 

இந்த சந்தோஷமான தருணத்தில் வொய்எஸ்ஆர் பிலிம்ஸ் சார்பாக இச்செய்தியைத் தெரிவிப்பதில் மகிழ்ச்சி கொள்கிறோம். எங்களுடைய அடுத்த படத்தில் என் தந்தை இளையராஜா, கார்த்திக் ராஜா, நான் என மூவரும் முதல்முறையாக இணைந்து இசையமைக்கவுள்ளோம், சீனு ராமசாமி இயக்கத்தில் விஜய் சேதுபதி நடிக்கும் படத்துக்காக என்று கூறியுள்ளார்.