பிரபல பாலிவுட் நடிகை நேஹா துபியா, நடிகர் அங்கத் பேடியைத் திருமணம் செய்துள்ளார்.

இதற்கான அறிவிப்பை இருவரும் சமூகவலைத்தளங்களில் வெளியிட்டுள்ளார்கள். 

என் வாழ்வின் சிறந்த முடிவு. இன்று எனது நெருங்கிய நண்பரைத் திருமணம் செய்துள்ளேன். ஹலோ.. கணவனே... என்று ட்வீட் செய்துள்ளார் நேஹா. பதிலுக்கு அங்கத் தன்னுடைய ட்வீட்டில், சிறந்த தோழி, இப்போது மனைவியாகியுள்ளார். ஹலோ திருமதி பேடி... என்று கூறியுள்ளார். 

வெளியுலகுக்குத் தன்னுடைய திருமணம் குறித்து தகவல் எதுவும் தெரிவிக்காமல், திருமணம் முடித்தபிறகு அதை அறிவித்துள்ளார் நேஹா துபியா. 

நேஹாவின் கணவரும் நடிகருமான அங்கத் பேடி, பிரபல முன்னாள் கிரிக்கெட் வீரரான பிஷன் சிங் பேடியின் மகன்.