ஐபிஎல் 2026: சுமாரான பந்துவீச்சாளர்கள் இருந்தும் முதல் அணியாக சாதித்த சன்ரைசர்ஸ்!

சன்ரைசர்ஸ் ஹைதராபாத் அணி இந்த ஐபிஎல் 2026ல் முதல் அணியாக இலக்கை அடையவிடாமல் எதிரணியை வீழ்த்தியுள்ளது. சுமாரான பந்துவீச்சாளர்கள் இருந்தும் இந்த சாதனை படைத்துள்ளது கவனம் பெற்றுள்ளது.

கொல்கத்தாவுக்கு எதிரான போட்டியில் முதலில் பேட்டிங் செய்த சன்ரைசர்ஸ் அணி 20 ஓவர்களில் 226/8 ரன்கள் எடுத்தது. இதில் அதிகபட்சமாக கிளாசன் 52, அபிஷேக் 48, டிராவிஸ் ஹெட் 46 ரன்கள் எடுத்தார்.

அடுத்து விளையாடிய கேகேஆர் அணி 16 ஓவர்களில் 161 ரன்களுக்கு ஆல் அவுட்டானது. இதில் அதிகபட்சமாக ரகுவன்ஷி 52 ரன்கள் எடுத்தார்.

இந்த சீசனில் இதுவரை நடந்த 6 போட்டிகளில் இந்தப் போட்டியில்தான் முதலில் பேட்டிங் செய்த அணி வெற்றி பெற்றுள்ளது. அதிலும் புதிய கேப்டன் இஷான் கிஷன் இந்த சாதனையை நிகழ்த்தியுள்ளார்.

முதல் போட்டியில் ஆர்சிபி 6 விக்கெட்டுகள், இரண்டாவது போட்டியில் மும்பை 6 விக்கெட்டுகள், 3ஆவது போட்டியில் ராஜஸ்தான் 8 விக்கெட்டுகள், 4ஆவது போட்டியில் பஞ்சாப் 3 விக்கெட்டுகள், 5ஆவது போட்டியில் தில்லி 6 விக்கெட்டுகள் வித்தியாசத்திலும் வென்றன.