பெண் இயக்குநரின் முதல் படத்தில் நடிக்கவிருக்கும் பிரபல முன்னணி நடிகர் யார்?
இயக்குநர் பாலாவிடம் தாரை தப்பட்டை படத்தில் உதவி இயக்குநராக பணி புரிந்த கீதா ராஜ்புத் தற்போது
இயக்குநர் பாலாவிடம் தாரை தப்பட்டை படத்தில் உதவி இயக்குநராக பணி புரிந்த கீதா ராஜ்புத் தற்போது ஒரு படத்துக்கு திரைக்கதை எழுதி, தயாரித்து, இயக்கவும் உள்ளார். இவர் 'என்னைத் தேடிய நான்', 'மயக்கம்', 'கபாலி' ஆகிய மூன்று குறும்படங்களை தயாரித்து இயக்கியிருக்கிறார் கீதா. சமூக விழிப்புணர்வு மிக்க அவரது குறும்படங்களுக்காக சிறந்த இயக்குநர் விருதைப் பெற்றுள்ளார். நர்மதா என்ற இந்தப் படத்தில் 7 வயது சிறுவனின் தாயாக நடிக்கவிருக்கிறார் ‘அட்டக்கத்தி’ புகழ் நந்திதா ஸ்வேதா. விஜய் வசந்த் ஹீரோவாக நடிக்கிறார். ஒளிப்பதிவு - சதீஷ் பி. சரண்.
படத்தைப் பற்றி கீதா ராஜ்புத் கூறியது, இந்தப் படம் முழுக்க முழுக்க ஃபேமிலி எண்டர்டெயின்மெண்ட் வகைமையில் உருவாக்கப்படுகிறது. தாய்க்கும், மகனுக்கும் உள்ள பாசப் பிணைப்பை எமோஷனலாக பதிவுச் செய்யும். இளம் கதாநாயகியான நந்திதா ஸ்வேதா, ஏழு வயது ஆண் குழந்தைக்கு தாயாக நடிக்கிறார். கதையின் நாயகனாக நடிக்கும் விஜய் வசந்த் வித்யாசமான கெட்டப்பில் முற்றிலும் புதிய கதாபாத்திரத்தில் தோன்றுவார். நாகர்கோயிலில் இப்படத்துக்காக பிரமாண்டமான செட் ஒன்று திறந்த வெளி அரங்கமாக வடிவமைக்கப்பட்டுள்ளது’ என்றார் கீதா.
அண்மையில் இப்படத்தின் படப்பிடிப்பு பூஜையுடன் தொடங்கியது. இதில் கௌரவ வேடத்தில் நடிக்க பிரபல நடிகர் ஒருவரிடம் கேட்டுள்ளாராம் கீதா.
Advertisement
Advertisement
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.