இவ்வளவு சீக்கிரம் 96 படத்தை சன் டிவியில் ஒளிபரப்புவது நியாயமில்லை: நடிகை த்ரிஷா அதிரடி!

விஜய் சேதுபதி, த்ரிஷா நடிப்பில் சி. பிரேம் குமார் இயக்கியுள்ள படம் - 96. சமீபத்தின் வெளியான இந்தப் படம் மக்களின் வரவேற்போடு இன்னமும் திரையரங்குகளில் திரையிடப்பட்டு வருகிறது.

படம் வெளியான 33 நாள் கழித்து சன் டிவியில் ஒளிபரப்பாகவுள்ளது இந்தப் படம். இத்தகவல் பலரையும் ஆச்சர்யப்படுத்தியுள்ளது. 96 படத்தைத் திரையரங்கில் பார்க்க முடியாதவர்களுக்கும் மீண்டும் பார்க்கத் துடிப்பவர்களுக்கும் சர்கார் டிக்கெட் கிடைக்காமல் இருப்பவர்களுக்கும் இந்தத் தகவல் ஆறுதலை அளிப்பதாக ரசிகர்கள் சமூகவலைத்தளங்களில் பதிவு எழுதியுள்ளார்கள்.

தீபாவளி தினத்தன்று மாலை 6.30 மணிக்கு 96 படம் சன் டிவியில் ஒளிபரப்பாகவுள்ளது.

இது 5-வது வாரம். இப்போதும் அனைத்துத் திரையரங்குகளில் 80% கூட்டம் வருகிறது. இந்நிலையில் 96 படத்தை இவ்வளவு சீக்கிரம் டிவியில் ஒளிபரப்பாவது நியாயமில்லை எனப் படக்குழுவினர் கருதுகிறோம். 96 பட ஒளிபரப்பை பொங்கலுக்குத் தள்ளிவைக்கவேண்டும் என சன் டிவியை நாங்கள் கேட்டுக்கொள்கிறோம் என்று கூறியுள்ளார். மேலும், சன் டிவியின் 96 பட ப்ரீமியர் ஒளிபரப்புக்குத் தடை விதிக்கவேண்டும் என்று ஆங்கிலத்தில் ஹேஷ்டேக் அமைத்து ட்வீட் செய்துள்ளார்.