பாலிவுட் பிரபலங்கள் தீபிகா படுகோன் - ரன்வீர் சிங் ஆகிய இருவரும் இன்று காதல் திருமணம் செய்துகொண்டார்கள்.

2013-ல் சஞ்சய் லீலா பன்சாலியின் ராம்லீலா படத்தில் தீபிகா படுகோனும் ரன்வீர் சிங்கும் இணைந்து நடித்தார்கள். அப்போது முதல் காதலிக்க ஆரம்பித்த இருவரும் இன்று தம்பதி ஆகியுள்ளார்கள்.

இத்தாலியில் உள்ள லேக் கோமோவில் தீபிகா படுகோன் - ரன்வீர் சிங் ஆகிய இருவரும் இன்று காதல் திருமணம் செய்துகொண்டார்கள். இன்றும் நாளையும் கொங்கனி மற்றும் சிந்தி என இருவிதமுறைப்படி திருமணம் நடைபெறவுள்ளது. இன்று, கொங்கனி முறைப்படி நடைபெற்ற திருமணத்தில் பாலிவுட் பிரபலங்கள் பலரும் கலந்துகொண்டார்கள்.

நவம்பர் 10-ம் தேதி இத்தாலி சென்ற காதல் கோடி, நிச்சயதார்த்தம், சங்கீத், மெஹந்தி ஆகிய நிகழ்ச்சிகளில் கலந்துகொண்டார்கள். 

அடுத்ததாக மும்பை மற்றும் பெங்களூரில் திருமண வரவேற்பு நிகழ்ச்சிகள் நடைபெறவுள்ளன.