தேவர் மகன் படத்தின் அடுத்தப் பாகத்துக்கு தேவர் மகன் 2 எனப் பெயர் வைப்பதாகத் தான் கூறவில்லை என நடிகர் கமல்ஹாசன் கூறியுள்ளார்.

இந்தியன் 2 படத்துக்கு அடுத்ததாக தேவர் மகன் 2 படத்தில் நடிக்கவுள்ளதாக சமீபத்தில் கமல் அறிவித்தார். இதையடுத்து சமூகவலைத்தளங்களில் படத்தலைப்புக்கு சில விமரிசனங்கள் எழுந்தன. 

இந்நிலையில், செய்தியாளர்களிடம் தேவர் மகன் படத்தின் 2-ம் பாகம் குறித்து கமல் கூறியதாவது:

தேவர் மகன் படத்தின் அடுத்தப் பாகத்துக்குத் தேவர் மகன் 2 எனப் பெயர் வைப்பதாக நான் கூறவில்லை. தேவர் மகனின் அடுத்தப் பாகத்துக்கான பெயர் இன்னமும் வைக்கப்படவில்லை. நான்  சாதிக்கு எதிரானவன். என் படம் சாதிக்கு எதிரானது என்று கூறியுள்ளார்.