டி20 அணியிலிருந்து தோனி நீக்கம்: பிசிசிஐ மீது பிரபல இயக்குநர் காட்டம்!

மேற்கிந்தியத் தீவுகள் மற்றும் ஆஸ்திரேலியாவுக்கு எதிரான டி20 தொடர்களுக்கான இந்திய அணி நேற்று அறிவிக்கப்பட்டதில் தோனியின் பெயர் இடம்பெறவில்லை. இரண்டு தொடர்களுக்கும் ரிஷப் பந்த் விக்கெட் கீப்பராக அறிவிக்கப்பட்டுள்ளார்.

இந்நிலையில் தோனியின் ரசிகரான பிரபல இயக்குநர் விக்னேஷ் சிவன் பிசிசிஐக்குக் கண்டனம் தெரிவித்து ட்வீட் வெளியிட்டுள்ளார். அவர் கூறியதாவது:

தலைவன் தோனி இல்லாத இந்திய டி20 அணி அறிவிக்கப்பட்டுள்ளது. இதைப் பார்க்க இதயம் உடைந்தது போல உள்ளது.

மோசமான தேர்வுக்குழு. ஆண்டவன் தான் உங்களைக் காப்பாத்தணும் பிசிசிஐ என்று ட்வீட் செய்துள்ளார்.