மணி ரத்னம் இயக்கத்தில் உருவாகியுள்ள செக்கச் சிவந்த வானம் படத்தில் சிம்பு, விஜய் சேதுபதி, அரவிந்த் சாமி, அருண் விஜய், ஜோதிகா, ஐஸ்வர்யா ராஜேஷ், அதிதி ராவ், டயானா எரப்பா போன்றோர் நடித்துள்ளார்கள். இசை: ஏ.ஆர்.ரஹ்மான். ஒளிப்பதிவு: சந்தோஷ் சிவன், படத்தொகுப்பு: ஸ்ரீகர் பிரசாத். மெட்ராஸ் டாக்கீஸ் நிறுவனமும் லைகா நிறுவனமும் இணைந்து இப்படத்தைத் தயாரித்துள்ளன. 

இன்று வெளியாகியுள்ள இப்படத்துக்கு அற்புதமான விமரிசனங்கள் கிடைத்து வருகின்றன. பெரும்பாலான விமரிசனங்கள் படத்தைக் கொண்டாடும் விதத்தில் அமைந்துள்ளன.

இயக்குநர் கெளதம் மேனன், இந்தப் படத்தின் 5 மணி காலைக் காட்சியைப் பார்த்துவிட்டு, படத்தைப் புகழ்ந்து ட்வீட்களை வெளியிட்டுள்ளார். அதில் அவர் கூறியுள்ளதாவது:

மணி ரத்னத்தின் புத்திசாலித்தனமான நடிகர் பட்டாளம், திரையை ஜொலிக்கவைக்கிறது. ஒவ்வொரு கதாபாத்திரமும் புதிய முறையில் வடிவமைக்கப்பட்டுள்ளது. ஓர் அற்புதமான கலைஞனின் பணி இது. கடினமான உள்ளடக்கத்தைப் படமாக்குவதில் அவரிடம் குதூகலம் தென்படுகிறது. விதிமுறைகளைத் தகர்த்துள்ளார் என்று பாராட்டியுள்ளார்.