பிக் பாஸ்: டாப் 2 இடங்களைப் பிடித்த நடிகைகள் இவர்கள்தானா?

விஜய் தொலைக்காட்சியில் பிக் பாஸ் நிகழ்ச்சி ஒளிபரப்பாகி வருகிறது. இந்த வாரத்துடன் நிறைவுபெறுகிறது.

ரித்விகா, ஜனனி, ஐஸ்வர்யா, விஜயலட்சுமி ஆகிய நான்கு நடிகைகளும் இறுதிச்சுற்றுக்குத் தகுதி பெற்றுள்ளார்கள்.

மக்கள் பல்வேறு தளங்களின் மூலம் அளிக்கும் வாக்குகளின் அடிப்படையில் பிக் பாஸ் வெற்றியாளர் தேர்வு செய்யப்படுகிறார். ஞாயிறு அன்று ஒளிபரப்பாகும் நிகழ்ச்சியில் பிக் பாஸ் சீஸன் 2 வெற்றியாளர் அறிவிக்கப்படுகிறார்.

பிக் பாஸ் 2 வெற்றியாளரை நிர்ணயம் செய்யும் வாக்கெடுப்பு நேற்று நள்ளிரவுடன் முடிவடைந்தது. 

இந்நிலையில் பிக் பாஸ் 2 போட்டியின் வெற்றியாளராக நடிகை ரித்விகா அறிவிக்கப்படவுள்ளதாகத் தகவல்கள் வெளியாகியுள்ளன. மேலும் இரண்டாம் இடத்தை நடிகை ஜனனி பெற்றுள்ளதாகவும் கூறப்படுகிறது.

பிக் பாஸ் 2 போட்டியின் இறுதி முடிவுகள் விஜய் தொலைக்காட்சியில் நாளை அறிவிக்கப்படவுள்ளன.