தெலுங்கு நடிகர் சாய் தரம் தேஜைத் தான் காதலிக்கவில்லை என நடிகை ரெஜினா கூறியுள்ளார்.

தமிழில் கடைசியாக சிலுக்குவார்பட்டி சிங்கம் படத்தில் நடித்த ரெஜினா, தெலுங்கு நடிகர் சாய் தரம் தேஜைக் காதலிப்பதாகச் செய்திகள் வெளியாகியுள்ளன. இதற்கு மறுப்பு தெரிவித்து ரெஜினா வெளியிட்டுள்ள அறிக்கையில் கூறியதாவது: 

கடந்த சில நாள்களாக சக நடிகருடன் என்னை இணைத்துச் சில செய்திகள் வெளியாகியுள்ளன. இந்தச் செய்திகளெல்லாம் எவ்வித ஆதாரமும் இல்லாமல் எழுதப்பட்டவை. என் வேலையை மட்டுமே நான் காதலிக்கிறேன். வேறு ஏதாவது இருந்தால் நிச்சயம் அனைவரிடமும் தெரிவிப்பேன் என்று கூறியுள்ளார்.