பிரபல நடிகர் ஷாருக் கானின் மகன் ஆர்யன், லண்டனைச் சேர்ந்தவரைக் காதலித்து வருவதாகத் தகவல்கள் வெளியாகியுள்ளன. 

ஷாருக் கானுக்கு இரு மகன்களும் ஒரு மகளும் உள்ளார்கள். இவர்களில் மூத்த மகன், ஆர்யன். சமீபத்தில் வெளியான தி லயன் கிங் படத்தில் சிம்பாவுக்கு ஆர்யன் குரல் கொடுத்துள்ளார். இந்நிலையில் மேற்படிப்புக்காக லண்டனில் வசித்துவரும் ஆர்யன், லண்டனைச் சேர்ந்த வலைப்பதிவரைக் காதலித்து வருவதாகச் செய்திகள் வெளியாகியுள்ளன. இந்தப் பெண்ணை ஷாருக் கானின் மனைவி கெளரி சந்தித்துப் பேசியதாகவும் கூறப்படுகிறது. ஆர்யன் ஒரு பெண்ணுடன் இருக்கும் படமொன்று சமூகவலைத்தளத்தில் வெளியானது. ஆனால் அந்தப் படத்தில் உள்ள பெண்தான் ஆர்யனின் காதலியா என்பது உறுதி செய்யப்படவில்லை.