படப்பிடிப்பில் விஷாலுக்குக் காயம்!

வந்தா ராஜாவா தான் வருவேன் படத்துக்குப் பிறகு விஷால் நடிக்கும் படத்தை இயக்கி வருகிறார் சுந்தர்.சி. தமன்னா, ஐஸ்வர்யா லக்‌ஷ்மி போன்றோர் நடித்துள்ளார்கள்.

துருக்கியில் இப்படத்தின் படப்பிடிப்பு நடைபெற்று வருகிறது. இந்நிலையில் நேற்றைய படப்பிடிப்பில் சண்டைக்காட்சி படமாக்கப்பட்டது. இதில் விஷாலுக்குக் காலிலும் கையிலும் பலத்த காயம் ஏற்பட்டது. இதையடுத்து அவர் மருத்துவமனையில் அனுமதிக்கப்பட்டுள்ளார். காயங்களுடன் விஷால் இருக்கும் புகைப்படம் வெளியிடப்பட்டுள்ளது.