ராகவா லாரன்ஸ் கதாநாயகனாக நடித்து இயக்கியுள்ள படம் - காஞ்சனா 3. இதில் ராகவா லாரன்ஸ், ஓவியா, வேதிகா, கோவை சரளா, தேவதர்ஷினி, ஸ்ரீமன் போன்றோர் நடித்துள்ளார்கள். ராகவேந்திரா புரொடக்‌ஷன்ஸ் சார்பில் ராகவா லாரன்ஸ் தயாரித்துள்ள இந்தப் படத்தை சன் பிக்சர்ஸ் வெளியிடுகிறது. ஏப்ரல் 18-ம் தேதி காஞ்சனா 3 படம் வெளியாகும் என முதலில் அறிவிக்கப்பட்டது. இந்நிலையில் பதினேழாவது மக்களவைக்aகு ஏப்ரல் 11 முதல் மே 19-ஆம் தேதி வரை ஏழு கட்டங்களாக தேர்தல் நடத்தப்பட உள்ளது. தமிழகம், புதுச்சேரியில் உள்ள 40 தொகுதிகளுக்கு ஏப்ரல் 18-ஆம் தேதி ஒரே கட்டமாக வாக்குப்பதிவு நடைபெறவுள்ளது. இதனால் காஞ்சனா 3 படத்தின் வெளியீடு தள்ளிப்போகும் என எதிர்பார்க்கப்பட்டது. இந்நிலையில் காஞ்சனா 3 படம் ஏப்ரல் 19 அன்று வெளியாகும் என இன்று அறிவிக்கப்பட்டுள்ளது.

தற்போது, காஞ்சனா 3 படத்தின் டிரெய்லர் வெளியிடப்பட்டுள்ளது.